The 3rd Eye

Synopsis

សាច់រឿងនិយាយអំពីបងប្អូនស្រីពីរនាក់គឺ Alia និង Abel ដែលត្រូវបង្ខំចិត្តផ្លាស់ប្តូរទីលំនៅត្រឡប់ទៅរស់នៅក្នុងផ្ទះកុមារភាពរបស់ពួកគេវិញ បន្ទាប់ពីឪពុកម្តាយបានស្លាប់បាត់បង់ជីវិតក្នុងគ្រោះថ្នាក់ចរាចរណ៍ដ៏សោកសៅ។ ចាប់តាំងពីពេលមកដល់ ផ្ទះដ៏ធំនោះពោរពេញទៅដោយបរិយាកាសចម្លែកៗ ហើយ Abel ដែលជាប្អូនស្រីតែងតែឮសំឡេង និងមើលឃើញព្រលឹងខ្មោចលងបន្លាចគ្រប់ទីកន្លែង ដោយសារតែនាងមានញាណពិសេសភ្នែកទីបីតាំងពីតូច។ ដំបូងឡើយ Alia និងមិត្តប្រុសរបស់នាងមិនជឿលើសម្តីរបស់ Abel ឡើយ ដោយគិតថាវាគ្រាន់តែជាការស្រមៃ។ ប៉ុន្តែ ដើម្បីវែកញែករកការពិត និងជួយសម្រួលដល់ស្មារតីរបស់ប្អូនស្រី Alia បានសម្រេចចិត្តទៅពឹងពាក់គ្រូទាយម្នាក់ឈ្មោះ អ្នកស្រី Windu ឱ្យជួយធ្វើពិធីបើកញាណពិសេសភ្នែកទីបី (The Third Eye) ឱ្យនាងបានឃើញដូចប្អូនស្រីដែរ។ បន្ទាប់ពីភ្នែកទីបីត្រូវបានបើកភ្លាម ជីវិតរបស់ Alia ត្រូវធ្លាក់ចូលទៅក្នុងសុបិនអាក្រក់ភ្លាមៗ ព្រោះនាងត្រូវប្រឈមមុខនឹងការលងបន្លាចពីពួកវិញ្ញាណខ្មោចកំណាចដែលស្លាប់ដោយក្តីគុំកួននៅក្នុងផ្ទះនោះ ហើយពួកវាព្យាយាមដេញសម្លាប់ និងយាយីយកជីវិតពួកគេទាំងពីរនាក់បងប្អូនយ៉ាងព្រឺព្រួចបំផុត។