Penjagal Iblis: Dosa Turunan

Synopsis

សាច់រឿងចាប់ផ្តើមឡើងជុំវិញករណីសោកនាដកម្មសម្លាប់រង្គាលដ៏គួរឱ្យរន្ធត់មួយទៅលើគ្រួសារមួយក្នុងអំឡុងពេលធ្វើពិធីដេញខ្មោច (Ruqyah)។ ជនសង្ស័យដែលត្រូវបានគេចោទប្រកាន់ថាជាឃាតកសម្លាប់មនុស្សជិតដាច់ពូជនោះ គឺក្មេងស្រីវ័យ ១៩ ឆ្នាំម្នាក់ឈ្មោះ Ningrum ដែលបច្ចុប្បន្នកំពុងត្រូវបានឃុំខ្លួន និងព្យាបាលនៅក្នុងមន្ទីរពេទ្យវិកលចរិត។ រឿងរ៉ាវកាន់តែអាថ៌កំបាំង នៅពេលដែលអ្នកកាសែតស៊ើបអង្កេតម្នាក់ឈ្មោះ Daru ត្រូវបានចាត់តាំងឱ្យចុះទៅសម្ភាសន៍នាង។ នៅក្នុងជំនួបនោះ Ningrum បានស្បថអះអាងថា ខ្លួននាងមិនមែនជាឃាតកសម្លាប់មនុស្សឡើយ តែនាងគឺជា «អ្នកបង្ក្រាបវិញ្ញាណបិសាច» (Devil Butcher)។ នាងត្រូវបង្ខំចិត្តសម្លាប់អ្នកទាំងនោះ ព្រោះរាងកាយរបស់ពួកគេកំពុងត្រូវបានប្រើប្រាស់ដោយត្រកូលអ្នករៀបចំពិធីបូជាសក្ការៈបិសាចរបស់ស្ត្រីម្នាក់ឈ្មោះ Pakunjara ដើម្បីដាស់ព្រលឹងបិសាចអមតៈចេញពីលោកងងឹត។ ការចុះផ្សាយព័ត៌មានធម្មតា បានអូសទាញអ្នកកាសែត Daru ឱ្យធ្លាក់ចូលទៅក្នុងសមរភូមិប្រយុទ្ធផ្លូវងងឹត អបិយជំនឿ និងការតាមប្រមាញ់បិសាចដ៏គ្រោះថ្នាក់បំផុតជាមួយ Ningrum។